Қаржылық алаяқтыққа қарсы тұру мақсатында Қазақстанда несиеден өз еркімен бас тарту шарасы енгізілді. Әрбір азамат қарыз алуға тыйым сала алады. «Стоп-кредит» қызметі сайт және E-gov мобильді қосымшасы арқылы қолжетімді, деп хабарлайды Social Media.
Қызметті компьютер арқылы пайдалану үшін бірқатар әрекеттерді орындау қажет:
egov.kz сайтындағы жеке кабинетке кіріңіз;
- «Сервистер» бөлімінде «Банктік қарыздарды, шағын несиелерді алудан ерікті түрде бас тарту» қызметін таңдаңыз және қызметке онлайн тапсырыс беріңіз;
- барлық міндетті жолдарды толтырыңыз және электрондық цифрлық қолтаңбаның (ЭЦҚ) көмегімен өтінімге қол қойыңыз;
- «Қызметтерді алу тарихы» бөліміндегі жеке кабинетте сұрау нәтижесі туралы хабарламамен танысыңыз.
Қызметті мобильді қосымша арқылы пайдалану үшін:
E-gov мобильді қосымшасын ашыңыз;
«Қызметтер» бөліміне кіріңіз және «Салықтар мен қаржы» кіші бөлімін таңдаңыз;
бұдан әрі «Банк кредиттерін, микрокредиттерін алудан ерікті түрде бас тарту» бөлімін таңдау қажет;
қажетті деректерді толтырыңыз және сұрау салуға электрондық түрде қол қойыңыз.
Осыдан кейін сіздің несие тарихыңызда несие алудан бас тарту туралы белгі пайда болады. Ақпарат үшін кредиттік бюроларға жүгінетін кредиттік ұйымдар осы шектеуді көріп, кредит беруден бас тарту туралы шешім қабылдайды. Егер кредит сіздің рұқсатыңызсыз ресімделсе, оны алуға дербес тыйым салынғанына қарамастан, берешек автоматты түрде жойылуға жатады.
Бұл қызметті кез келген уақытта өшіруге болады. Бұдан басқа, шектеу ломбардтарға және өз клиенттерінің кредиттік тарихын бағаламайтын басқа да ұйымдарға қолданылмайды.
