2025 жылғы 30 қыркүйекте Солтүстік Қазақстан облысының терроризмге қарсы жедел штабы «Есіл-Антитеррор – 2025» жедел-тактикалық оқу-жаттығуын өткізеді, деп хабарлайды Social Media.
Оқу-жаттығу барысында көлік қозғалысына уақытша шектеулер енгізіледі: сағат 09:30-дан 11:00-ге дейін – Театр көшесінің К. Сутюшев көшесінен Е. Брусиловский көшесіне дейінгі бөлігінде (қозғалыс толық жабылады); сағат 10:00-ден 13:00-ге дейін – қозғалыс шектеледі: Театр көшесінде К. Сутюшев көшесінен Анастасия Прокопьевна ескерткішіне дейін; Потанин – Западный – Коминтерн – Мальцев көшелерімен шектелген аумақта. Сонымен қатар, уақытша қозғалыс шектеулері Есіл өзеніндегі СҚО ТЖД құтқару станциясы маңында да көзделген. Азаматтарды уақытша қолайсыздықтарға түсіністікпен қарауға, қауіпсіздік шараларын сақтауға және мемлекеттік органдар қызметкерлерінің заңды талаптарын орындауға шақырамыз. Сондай-ақ, тек ресми ақпарат көздеріне жүгінуді және тексерілмеген мәліметтерді таратпауға кеңес береміз. Солтүстік Қазақстан облысының терроризмге қарсы жедел штабы.
