Қызылжар ауданының Белов орта мектебінде шатырдағы арқалықтың деформациясынан төбе ілініп қалды. Оқушылардың қауіпсіздігін қамтамасыз ету үшін балаларды күн сайын көрші оқу орны – Пеньковский орта мектебіне жеткізу туралы шешім қабылданды, деп хабарлайды Social Media.
Төбенің салбырауы 23 наурызда болды. Белов орта мектебі 1964 жылы салынған. Оны техникалық тексеру 3 жыл бұрын жүргізілген және ғимараттың апаттылығы анықталмаған. Оқу орны екі ауысыммен өтті. Барлығы 116 адам білім алды.
“Мектепті пайдаланбау туралы шешім қабылданды. Балалар оқуларын штаттық режимде жалғастыру үшін Пеньков орта мектебіне жеткізуді ұйымдастыру туралы шешім қабылданды. Оқыту екінші ауысымда жүргізіледі. Балалар күн сайын мұғалімдерімен бірге сол жаққа жеткізіледі. Бүгінгі күнге кесте бекітілді. Тамақтану ұйымдастырылды. Пеньковская орта мектебінің жобалық қуаты 320 орындық. Қазір онда 185 бала білім алуда. Олар бірінші ауысымда оқитын болады”, – деп хабарлады СҚО Білім басқармасының басшысы.
Қызылжар ауданының білім бөлімі мамандандырылған ұйыммен мектеп ғимаратына техникалық тексеру жүргізуге және тиісті қорытынды беруге шарт жасасты. Одан әрі шешімдер қорытынды алынғаннан кейін қабылданатын болады.
