Петропавл мен облыс тұрғындарын алдағы күндері тұман мен көктайғақ, қар аралас жаңбыр мен түнгі аяз күтіп тұр. Ауа температурасы күндіз жылы болғанымен, түнгі салқын күшейе түседі, деп хабарлайды Social Media, «Қазгидромет» ақпаратына сілтеме жасап.
Қазгидромет деректері бойынша, 25 қазан күні облыстың батысы, солтүстігі мен шығысында аздаған жаңбыр мен қар жауады. Кей жерлерде көктайғақ пен тұман күтіледі. Батыстан соққан желдің жылдамдығы секундына 14 метрге дейін, ал шығыс пен оңтүстікте екпіні 20 м/с-қа дейін жетеді. Түнгі ауа температурасы –6°С-тан +2°С-қа дейін, күндіз 5–10°С, оңтүстік-батыста 13°С жылы болады.
26 қазанда да солтүстікте және шығыста жаңбыр мен қар түрінде жауын-шашын сақталады. Жел бағыты оңтүстік-батысқа ауысып, кей өңірлерде күшейеді. Түнде 1–6°С аяз, күндіз 3–8°С жылы.
27–28 қазан күндері облыста жауын-шашынсыз ауа райы күтіледі. Түнде және таңертең тұман түседі. Ауа температурасы түнде 3–8°С аяз, күндіз 7–12°С жылы.
Ай соңында, 29–31 қазан аралығында, аймаққа жылы ауа массалары тарайды. Күндізгі температура 10–15°С-қа дейін көтеріледі, бірақ түнгі салқын мен тұман әлі де сақталады. Кей күндері жаңбыр мен қар аралас жауын-шашын қайталануы мүмкін.
