Есіл өзеніндегі су деңгейінің көтерілуіне байланысты жыл сайын су басатын «Петропавл қаласының айналма жолы» республикалық автомобиль жолының учаскесінде су тасқыны пайда болды, деп хабарлайды Social Media.
Осыған байланысты 2025 жылғы 01 сәуірде сағат 22: 00-ден бастап барлық көлік түрлерінің қозғалысына шектеу енгізілді. Учаскеде сигналдық бағаналар, ілгіштер, жол белгілері орнатылды, сондай-ақ тәулік бойы кезекшілік ұйымдастырылды.
Қозғалыс үшін баламалы бағыттар бар. Жеңіл автомобильдер Петропавл қаласы арқылы өтуі мүмкін. Жүк автокөлiгi «Петерфельд-Архангельское-Новокаменка» жолымен және одан әрi «Жезқазған-Петропавл» республикалық жолымен жүре алады.
