Қызылша – ауа-тамшы арқылы тарайтын қауіпті вирус. Биылғы жылдың басынан Петропавлда 33 адам осы ауруға шалдыққан. Мамандар ескертеді: қызылшаның арнайы емі жоқ, ал қызылшадан қорғанудың ең тиімді жолы – уақытылы вакцинация деп хабарлайды Social Media.
Қазақстанда он жылдан астам уақыт бойы қызылшаға, қызылша-қызамыққа және паротитке қарсы біріктірілген вакцина қолданылады. Ол 1 жас және 6 жас аралығындағы балаларға арналған Ұлттық екпе күнтізбесіне енгізілген. Солтүстік Қазақстан облысының санитарлық-эпидемиологиялық бақылау департаментінің мәліметінше, вакцина өзінің тиімділігі мен қауіпсіздігін дәлелдеген.
«Вакцина өндірісі Дүниежүзілік денсаулық сақтау ұйымы арқылы сертификатталған, бұл сапа мен қауіпсіздіктің жоғары стандарттарын қамтамасыз етеді. Өндіруші әлемдегі ең ірі вакцина жеткізушілердің бірі болып табылады және өнімін 170-тен астам елге экспорттайды. Вакцина алу және аурудың алдын алу – ауыр асқынуларға қарағанда әлдеқайда оңай әрі қауіпсіз», – деп хабарлады Департамент мамандары.
Облыс бойынша жағдайға келетін болсақ, биыл өңірде 65 расталған қызылша дерегі тіркелген. Бұл өткен жылмен салыстырғанда айтарлықтай аз – 2024 жылы СКО-да 329 адам ауырып қалған. Қазіргі кезде жағдайдың шамамен жартысы Петропавлға тиесілі. Уәлиханов ауданында 10 жағдай, Қызылжарда – 8, Айыртау ауданында – 5, Тайынша және Г. Мүсрепов атындағы аудандарда – әрқайсысында 3 жағдай тіркелген. Сондай-ақ, облыстың бірнеше басқа аудандарында да қызылша жұқтырғандар анықталды. Қызылшаның белгілері көбінесе қарапайым ЖРВИ-мен ұқсас: бастапқыда дене қызуы көтеріледі, жөтел пайда болады, ал бірнеше күннен кейін теріде қызыл дақтар пайда болады. Қызылша – ауыр асқынуларға әкелуі мүмкін инфекциялық ауру. Оларға мидың қабынуы – энцефалит, өкпенің зақымдануы – пневмония, ортаңғы құлақтың қабынуы – отит жатады. Кейде ауру өте ауыр түрде өтеді және өлімге әкелуі мүмкін, сондықтан вакцинациядан өту және алдын алу шараларын сақтау – аса маңызды
