2025 жылғы 17 наурыз күні сағат 17:00-де Петропавл қаласында терроризмге қарсы оқу-жаттығу өтеді. Оқу іс-шарасы «Жас Өркен» ықшам ауданында, №1 қалалық емхана маңында (Порфирьев көшесі, 55) ұйымдастырылады, деп хабарлайды Social Media.
Бұл оқу-жаттығу терроризмнің алдын алу, арнайы қызметтердің іс-қимылдарын жетілдіру және төтенше жағдайларда тұрғындардың қауіпсіздігін қамтамасыз ету мақсатында өткізіледі.
Оқу-жаттығу барысында Порфирьев, Әуезов, Крылов, Парковая көшелерінде жол қозғалысы шектеледі. Осыған байланысты тұрғындардан алдын ала бағыттарын жоспарлап, уақытша шектеулерге түсіністікпен қарауды сұраймыз.
Терроризмге қарсы оқу-жаттығу кезінде:
- Қауіпсіздік шараларын сақтаңыз
- Мемлекеттік органдардың жұмылдырылған қызметкерлерінің заңды талаптарын орындаңыз
- Тек ресми ақпарат көздеріне сеніңіз
- Жалған ақпараттың таралуына жол бермеңіз
Бұл іс-шараның басты мақсаты – қоғамның қауіпсіздігін қамтамасыз ету және төтенше жағдайлар кезінде үйлесімді әрекет етуге дайын болу.
