Петропавлда Заречный ауылындағы айналма арнаның құрылысы аяқталу сатысына жетті. Арнаның жалпы ұзындығы — 4,8 шақырым. 2025 жылғы көктемгі су тасқыны бұл нысанның тиімділігін көрсетіп үлгерді, деп хабарлайды Social Media.
Солтүстік Қазақстан облысының әкімі жұмыс барысымен жеке танысты. Бүгінгі таңда үш су өткізгіш нысанның құрылысы аяқталуға жақын. Олардың екеуі саяжай массивтеріне кедергісіз кіруге мүмкіндік береді, ал тағы бірі электр беру желісін күтіп-ұстауға арналған.
Жобаны жүзеге асыру толыққанды су бұру жүйесін қалпына келтіруге және нөсер мен су тасқыны кезінде жер үсті суларының жиналуын болдырмауға мүмкіндік береді.
Сонымен қатар тағы бір маңызды жоба қолға алынған. Қыркүйек айында облыс әкімімен жеке қабылдау барысында «Жемчужная весна» бау-бақша серіктестігінің бағбандары кіреберіс жолдарды жөндеп беруді сұраған болатын. Қазіргі уақытта бұл аумақта қалпына келтіру жұмыстары белсенді түрде жүргізіліп жатыр. Барлық жоспарланған жұмыстарды 10 қарашаға дейін аяқтау көзделуде.
