Әлеуметтік желілерде өңірді газдандыру тақырыбына қатысты жалған ақпарат тарауда. Хабарлама Солтүстік Қазақстан облысы әкімінің баспасөз қызметіне тиесілі етіп көрсетілген. Сонымен қатар, жарияланымда өңір әкімі Ғаузез Нұрмұхамбетовтің қатысуымен түсірілгендей болып көрінетін, жасанды интеллект көмегімен жасалған жалған бейнеролик пайдаланылған, деп хабарлайды Social Media.
Облыс әкімі тұрғындарды қырағы болуға және расталмаған дереккөздерге сенбеуге шақырды. Оның айтуынша, жасанды интеллект технологияларын пайдалана отырып, қоғамдық пікірді шатастыруға бағытталған әрекеттер — бұл азаматтар мен құқық қорғау органдары тарапынан жауапты көзқарасты талап ететін елеулі сын-қатер.
Осы жағдайға байланысты жалған ақпарат тарату фактісі бойынша құқық қорғау органдарына ресми өтініш жолданады.
Өңір басшысы нақты әрі сенімді ақпарат тек ресми дереккөздерде – мемлекеттік органдардың ресми сайттарында, расталған әлеуметтік желідегі аккаунттарда және баспасөз хабарламаларында жарияланатынын атап өтті.
