Солтүстік Қазақстан облысында «Жастар практикасы» жобасы табысты жүзеге асырылуда. Бұл жоба жас мамандарға алғашқы еңбек тәжірибесін алуға мүмкіндік береді. Өңірдің жұмыспен қамтуды үйлестіру және әлеуметтік бағдарламалар басқармасында осы жобаның арқасында жұмысқа орналасқан табысты мысалдардың бірі туралы баяндалды, деп хабарлайды Social Media.
Диплом алғаннан кейін «Қала құрылысы, құрылыс жұмыстары және азаматтық құрылыс» мамандығы бойынша білім алған Максим Суриков жұмыс іздеуге көмек алу үшін Карьера орталығына жүгінген. Жас маманға қысқа мерзімде лайықты вакансия табылды. «Жастар практикасы» жобасы аясында ол «ЭЛЕСТРИ ПЛЮС» ЖШС-не инженер-құрылысшы болып жұмысқа орналасты.
Жұмыс барысында Максим өзін жауапты және мақсаткер маман ретінде көрсетті. Жоба оған өз саласы бойынша алғашқы тәжірибе жинауға мүмкіндік берді. Бүгінде ол компанияда табысты еңбек етіп, кәсіби дағдыларын дамытып келеді.
«Жастар практикасы» жобасы оқу орындарының түлектерін жұмыспен қамтуға нақты мүмкіндік береді. Бағдарлама соңғы бес жыл ішінде оқуын аяқтаған жас мамандарға арналған және оларға 30 АЕК мөлшерінде (шамамен 118 мың теңге) ресми жалақысы бар жұмыс орындарын ұсынады. Мұндай қолдау жастарға алған білімдерін тәжірибеде қолдануға және кәсіби мансабын бастауға жол ашады. Биыл жоба өз тиімділігін тағы да дәлелдеді: бастама аясында 700-ден астам түлек жұмысқа орналастырылды. Бұл «Жастар практикасы» жобасының жастарды жұмыспен қамтудың тиімді құралы екенін және ол жас мамандар мен жұмыс берушілер үшін өзара тиімді шешім табуға мүмк
