Солтүстік Қазақстан облысының полицейлері жол қауіпсіздігінің бүкіл қоғамның күш-жігерінен құралатынын айқын көрсеткен шара өткізді, деп хабарлайды Social Media.
«Өнегелі жүргізуші» акциясы жолдағы тәртіпті нығайтуға және жол қозғалысы ережелерін насихаттауға күн сайын үлес қосып жүргендер үшін ортақ алаңға айналды. «Qyzyljar» креативтік орталығында мемлекеттік және қоғамдық ұйымдардың өкілдері, жол қозғалысының кәсіби қатысушылары және өз үлгісімен жүргізу мәдениетін қалыптастырып жүрген азаматтар жиналды.
Кездесуді ашқан облыстық полиция департаментінің бастығы Айдын Кабдулдинов қатысушылардың кең құрамына назар аударды. Олардың қатарында әкімдік пен жол қызметтерінің қызметкерлері, жастар бастамалары орталықтарының мамандары, журналистер, блогерлер, дәрігерлер, педагогтар және жас жол инспекторлары бар. Акцияға автомектептер, сақтандыру компаниялары мен қоғамдық бірлестіктердің белсенділері де атсалысты. Жол-көлік оқиғаларының алдын алуға және профилактикалық жұмысты дамытуға үлес қосқан азаматтарға грамоталар, алғыс хаттар және естелік сыйлықтар тапсырылды.
Ерекше назар мінсіз тәртіппен жүретін жүргізушілерге аударылды. Сұлтан Асқаров, Серік Сексенов, Александр Снурницын және Раиль Кабиев жолдағы қауіпсіздікке жауапкершілікпен қарайтын азаматтардың үлгісі ретінде атап өтілді. Олар әкімшілік талап бұзушылықтары жоқ қана емес, өзге жүргізушілерді ықтимал қауіптер жөнінде алдын ала хабардар етіп жүреді. Мұндай жүргізушілер гололёд, боран салдарынан жолдағы көктайғақ, қар үрінділері немесе жолда жүрген мал туралы ақпаратты алғашқылардың бірі болып чаттарға және полицияға жеткізеді. Жол қауіпсіздігі саласында жоғары кәсіби шеберлік көрсетіп жүрген полицейлердің аналарына да генерал-майордың қолынан алғыс хаттар табысталды.
Марапат алғандардың арасында ардагерлер мен патрульдік полицияның қызметкерлері де болды. Патрульдік полиция жұмысы баяғыда-ақ жылдамдықты бақылаумен шектелмейтіні еске салынды. Әдетте дәл осы патрульдік полицейлер көмек қажет болған жағдайда бірінші болып жетеді, кейде өз өмірін қатерге тіге отырып. Қонақтарға паводок пен қысқы боран кезіндегі қызметкерлердің жұмысы, құтқару операциялары және шешуші рөл атқарған минуттар туралы бейнематериалдар көрсетілді. Осы тақырыптар «Qyzyljar» орталығының холлында қойылған фотокөрмеде де көрініс тапты.
Жылы атмосферада өткен кездесу СҚО ПД мәдениет орталығының вокалдық тобының орындауымен аяқталды. Дәстүр бойынша акция көшелерде де жалғасын тапты: осы күні полиция қызметкерлері жүргізушілерді тексеру үшін емес, жылдар бойы тәртіп бұзбай, үлгілі жүргізуші болып келе жатқан азаматтарды көтермелеу үшін тоқтатты.
Осылайша, акция қауіпсіздік мәдениетінің күн сайын жасалатын дұрыс әрекеттерден қалыптасатынын тағы бір мәрте көрсетті. Полиция өңір жолдарын шынымен қауіпсіз ету тек бірлескен күш-жігердің арқасында мүмкін болатынын атап өтті.
