Бүгін Шал ақын ауданында Kozybayev University-мен ынтымақтастық туралы меморандумға қол қою рәсімі өтті. Бұл оқиға өңірдің жетекші университеттерінің базасында оқушылардың кәсіби дамуына және білім алуына бірегей мүмкіндіктер бере отырып, ауданның білім беру саласында жаңа тарау ашты, деп хабарлайды Social Media.
Жаңа ынтымақтастық ауданның оқу орындары мен университет арасындағы өзара іс-қимылды кеңейтуді, қосымша білім беру бағдарламалары мен тағылымдамалар құруды, сондай-ақ аудан оқушыларының ғылыми жобалар мен зерттеу қызметіне қатысу мүмкіндігін көздейді.
«Мектеп – бұл жай ғана ғимарат емес, ол біздің қоғамның болашағы салынатын іргетас. Біздің міндетіміз – бұл іргетасты мүмкіндігінше нығайтып, балаларымызды оқыту мен тәрбиелеуге қолайлы жағдай жасау. Соңғы жылдары ауданда білім беру жүйесін жаңғырту бойынша айтарлықтай жұмыстар атқарылды. Мектептерімізді күрделі жаңарту маңызды бағыттардың бірі болды. Күрделі жөндеу жұмыстары оқу процесінің жағдайын жақсартып қана қоймай, оқушыларымыздың қауіпсіздігін қамтамасыз етуге мүмкіндік берді», – деп атап өтті өз сөзінде Шал ақын ауданының әкімі Қайрат Омаров.
Меморандумға қол қою аудан әкімшілігінің табысты мансап үшін қажетті сапалы білім мен кәсіби дағдыларды алуға ұмтылатын жастарға қолайлы жағдай жасау жөніндегі күш-жігерінің нәтижесі болды.
Бұдан басқа, аудан мектептері оқушыларының сұранысқа ие кәсіптер, ауыл шаруашылығы және мал шаруашылығы туралы хабардар болу деңгейін арттыру мақсатында, сондай-ақ ауылда еңбек қызметіне қызығушылықты ынталандыру үшін кәсіптік бағдарлау іс-шараларының сериясы ұйымдастырылды. Олар ауыл шаруашылығы кәсіпорындарына – «Шал ақын АГРО-2020» ЖШС, «Городецкое» ЖШС, «Аина» шаруа қожалығы, «АГРО-СЕВЕР» ЖШС, «ГЕРМЕС-АГРО» ЖШС және аудан аумағында орналасқан мал шаруашылығы базаларына бару түрінде өткізілді.
Мұндай іс-шараларды өткізу болашақ кадрларды даярлаудағы маңызды элемент болып табылады және сұранысқа ие мамандықтармен танысуға ғана емес, жергілікті жерлердегі мамандардың нақты жұмысын көруге, жұмысқа орналасу және кәсіби өсу перспективаларын бағалауға мүмкіндік береді.
Kozybayev University-ның Басқарма Төрағасы – Ректор өз кезегінде Шал ақын ауданымен серіктестік университеттің білім беру және ғылыми қызметін кеңейтуге мүмкіндік беретінін атап өтті, сондай-ақ бұл келісім жергілікті кәсіпорындармен және ұйымдармен қажетті мамандарды даярлау үшін өзара іс-қимылды күшейтуге мүмкіндік беретініне сенім білдірді.
Осылайша, жаңа келісім ауданда білім беру жүйесін дамыту және оқу орындары мен еңбек нарығының практикалық сұраныстары арасында неғұрлым берік байланыс құру жолындағы маңызды қадам болып табылады.
