«Сақтандырылған» мәртебесі бар СҚО тұрғындары қалалық көпбейінді аурухананың жанындағы оңалту орталығында тегін емделе алады, деп хабарлайды Social Media МӘМС қорының облыстық филиалының баспасөз қызметіне сілтеме жасай отырып. Мұнда медициналық көмекті жүйке жүйесінің проблемаларына тап болған, сондай-ақ нейрохирургиялық, ортопедиялық және травматологиялық зақымданулары бар пациенттер алады.
Жыл басынан бері Петропавл қаласының көпсалалы ауруханасы жанындағы оңалту орталығында аймақтың 716 тұрғыны 160 млн теңгеден астам сомаға медициналық көмек алды. Оның ішінде 344 пациент ортопедия бойынша, 257 – травматология бойынша, 111 – неврологиялық аурулармен, 4 – нейрохирургиялық операциядан кейін жүгінген.
Шілде айында Петропавл қаласының тұрғыны Сәуле Мұстафина көмек сұрап көпсалалы қалалық ауруханаға жүгінді. Әйел тізесінің ауырғанына шағымданды, дәрігерлер оны ауруханаға жатқызды. Содан кейін менискке ота жасау туралы шешім қабылданды.
“Жазда маған артроскопия жасалды. Бір айдан кейін оңалту орталығына келіп, ем ала бастадым. Қалпына келтіру процедуралары қажет болды, себебі тіземді бүге алмадым. Дәрігерлердің айтуынша, мен 3 рет оңалту процедураларынан өтуге тиіспін, оның 2-уін қабылдадым. Жаңа жылдан кейін тағы да оңалтуға келуге ниетті. Қазір өзімді жақсы сезінемін”, – дейді Сәуле Мұстафина.
Пациенттерді операциядан кейінгі қалпына келтіру емі кемінде 14 күнге созылады. Бұл кезеңде олар жылыту, электр токтарының, ультрадыбыстық аппараттардың көмегімен емделеді, сондай-ақ сауықтыру массажын алады және дененің зақымданған жерлерін қысқа мерзімде қалпына келтіруге көмектесетін арнайы тренажерларда жаттығулар орындайды.
Дәрігерлердің айтуынша, соңғы жылдары тұрғындардың көбі буынның ауырғанына шағымданады. Кейбіреулер қарапайым емдік массаж арқылы құтқарылады, ал кейбіреулері хирургиялық араласусыз мүмкін болмайтын кезде операциялық үстелге жатуға тура келеді.
“Біздің көпсалалы қалалық ауруханамыздың оңалту орталығы 45 төсек-орынға есептелген. Дәрігерлер порталда өтініш қалдырып, науқастарды оңалту көмегін алуға кезекке қояды. Емделушілер үшін емдеу тегін, оны МӘМС қоры қаржыландырады. Бізде науқастар барлық қажетті медициналық көмекті алады”, – деді физиотерапия бөлімінің меңгерушісі Анжелика Осиян.
