Солтүстік Қазақстан облысы мен Петропавл қаласында алдағы күндері ауа райы құбылмалы болады. 29 тамыздан 30 тамызға қараған түні бұлтты болып, жаңбыр жауады, найзағай ойнайды. Күндіз бұршақ пен дауыл күтіледі. Солтүстік-батыстан соққан жел түнде 9–14 м/с, күндіз 15–20 м/с жылдамдыққа жетеді. Ауа температурасы түнде +9…+11°С, күндіз +15…+17°С шамасында болады, деп хабарлайды Social Media.
30 тамыз күні жаңбыр жауып, найзағай ойнайды. Облыстың солтүстігінде, шығысында және оңтүстігінде қатты жаңбыр, бұршақ пен дауыл ықтимал. Жел күшейіп, екпіні 25 м/с дейін барады. Түнде +7…+12°С, күндіз +13…+18°С болады.
31 тамызда облыстың батысында, солтүстігінде және шығысында жаңбыр жауып, найзағай ойнайды, бұршақ пен дауыл күтіледі. Түнде және таңертең тұман түседі. Желдің жылдамдығы 15–20 м/с дейін күшейеді. Ауа температурасы түнде +5…+10°С, күндіз +15…+20°С.
1 қыркүйек күні облыстың солтүстігі мен шығысында жаңбыр жауады, күндіз найзағай күтіледі. Түнде және таңертең тұман түседі. Жел солтүстік-батыстан соғып, күші 15–20 м/с жетеді. Түнгі температура +5…+10°С, күндіз +13…+18°С.
2 қыркүйек жауын-шашынсыз өтеді. Түнде және таңертең тұман болады. Солтүстік аймақтарда топырақ бетінде 2 градусқа дейін үсік күтіледі. Түнгі ауа температурасы +3…+8°С, күндіз +15…+20°С.
3 қыркүйек күні де жауын-шашынсыз болады. Түнде және таңертең тұман күтіледі. Солтүстікте топырақ бетінде үсік байқалады. Түнгі температура +3…+8°С, күндіз +17…+22°С.
4 қыркүйек күні жауын-шашынсыз, түнде және таңертең тұман түседі. Жел күшейіп, 15–20 м/с дейін жетуі мүмкін. Түнде +5…+10°С, күндіз +20…+25°С болады.
5 қыркүйекте облыстың батысында, солтүстігінде және шығысында жаңбыр жауып, күндіз найзағай ойнайды. Түнде және таңертең тұман күтіледі. Жел шығыстан соғып, күші 15–20 м/с дейін жетеді. Түнгі температура +7…+12°С, күндіз +22…+27°С шамасында болады.
