2025 жылдың алғашқы төрт айында Қазақстан Республикасы негізгі макроэкономикалық бағыттар бойынша тұрақты өсім көрсетті, деп хабарлайды Social Media.
Экономикалық зерттеулер институтының зерттеулеріне сәйкес, оң динамика өнеркәсіп, құрылыс, сауда және көлік сияқты негізгі секторларда тіркелген. Бұл салалар жиынтығында елдің жалпы ішкі өнімінің өткен жылдың ұқсас кезеңімен салыстырғанда 106% деңгейіне дейін өсуін қамтамасыз етті. Осының аясында негізгі капиталға инвестициялардың өсуі (113,7%) және экономиканың алты базалық саласының жай-күйін көрсететін қысқа мерзімді экономикалық индикатордың нығаюы байқалады және қаңтар-сәуірдің қорытындысы бойынша 108,5%-ды құрады.
Жалпы алғанда, Солтүстік Қазақстан облысы өсімнің қалыпты оң қарқынын көрсетіп отыр, әсіресе агроөнеркәсіп кешенінде, құрылыс пен өнеркәсіпте. Өңірде өнеркәсіп өндірісінің нақты көлем индексі 103,7% -ды құрады. Бұл Жамбыл облысы (123,6%) немесе Шымкент қаласы (123,4%) сияқты еліміздің жетекші өңірлерімен салыстырғанда аса әсерлі нәтиже емес, алайда СҚО өңір үшін дәстүрлі салалар – ауыл шаруашылығы өнімдерін қайта өңдеу, тамақ өнеркәсібі, машина жасау және жеңіл индустрия арқасында орнықтылығын сақтап отыр. Бұл қарқынды болмаса да, тұрақты өсу үрдісін растайды.
Солтүстік Қазақстан облысы көшбасшылар қатарына енген ауыл шаруашылығы секторы ерекше назар аударуға лайық. Мұнда өсу индексі 107,4% -ды құрады, бұл көршілес Ақмола және мұнай-газ Атырау облыстарының нәтижелерімен салыстыруға болады. Бұл ауыл шаруашылығы кәсіпорындары тиімділігінің жоғары деңгейін, мал шаруашылығы кешенінің тұрақтылығын және аграрлық секторды жаңғыртудың жалғасуын көрсетеді. Өңір елдегі ең ірі азық-түлік өндірушілердің бірінің позициясын нығайтуда. Бұл ретте өңірлер арасында аграрлық өсім бойынша елеулі теңгерімсіздік байқалады, бұл, мысалы, Маңғыстау облысындағы көрсеткіштердің төмендеуінен көрінеді.
Құрылыс саласында Солтүстік Қазақстан облысы 20-30% деңгейінде өсті. Динамиканың мұндай деңгейі Алматы, Шымкент және Шығыс Қазақстан облысының нәтижелерімен салыстырылады. Құрылыс көлемінің ұлғаюы көлік желісін жаңғыртудан бастап мектептер, ауруханалар мен тұрғын үй құрылысына дейінгі бірқатар инфрақұрылымдық және әлеуметтік жобаларды іске асыруға байланысты. Сонымен қатар, бірқатар басқа өңірлерде қарқынды инвестициялық өсім (мысалы, Маңғыстау облысында екі еседен астам өсім) тіркелген, СҚО дамудың бірқалыпты, бірақ тұрақты іскерлік белсенділігін көрсетеді.
Сауда саласы да жандануды көрсетіп отыр. Облыстың көрсеткіштері оңтүстік өңірлерден төмен болғанымен, мысалы, Түркістан облысында сауданың нақты көлем индексі 160,4%-ға жетті, Солтүстік Қазақстан облысында тұрақты өсу байқалады. Өңірлік нарық азық-түлік, отын және дәрі-дәрмектерді көтерме саудада жеткізу, сондай-ақ бөлшек сауда желісін кеңейту есебінен дамуда. Елдің солтүстігіндегі географиялық орналасуы шекара маңындағы саудаға ықпал етеді, бұл қосымша экономикалық белсенділікті қолдайды.
Көлiк саласында Солтүстiк Қазақстан облысы әзiрше жоғары өсу қарқынын көрсетпейдi, бiрақ әлеуетiн сақтап отыр. Теміржол және автомобиль тасымалдарын дамыту, сондай-ақ логистикалық инфрақұрылымды кеңейту – өңірдің транзиттік рөлін және оның Ресеймен шекараға жақындығын ескере отырып, маңызды бағыттар. Әзірге көлік динамикасы бойынша көшбасшылар Түркістан және Жамбыл облыстары сияқты оңтүстік өңірлер болып отыр, онда көлік және қойма қызметі бойынша НКИ 110% -дан асады. Дегенмен, СҚО-да тасымал көлемі артып келеді, әсіресе аграрлық маусымда өңіраралық логистикалық орталықтар құру үшін жағдай жасалуда.
Облыстағы инвестициялық белсенділік үдемелі сипатқа ие. Өңір біртіндеп мал шаруашылығы кешендері мен агроөндеу кәсіпорындарын қоса алғанда, қайта өңдеу өнеркәсібі мен ауыл шаруашылығына капитал тартуда.
Күрт секірістердің болмауына қарамастан, бизнестің тұрақты қызығушылығы байқалады, ал инвестициялардың өсуі өндірістік база мен инфрақұрылымды жетілдірумен қатар жүреді. Қысқа мерзімді экономикалық индикатордың салыстырмалы түрде төмен индексі жүйелі құлдырауды көрсетпейді, керісінше жекелеген салалардың қызып кетуінсіз өсудің теңгерімді моделін көрсетеді.
Солтүстік Қазақстан облысы 2025 жылдың қаңтар-сәуір айларының қорытындысы бойынша тұрақты дамуды көрсетіп отыр. Өңір көшбасшылардың қатарына кірмейді, бірақ тұрақты және стратегиялық маңызды аграрлық-өнеркәсіптік орталық позициясын сақтап қалады. Өнеркәсіптегі, ауыл шаруашылығындағы, құрылыстағы және саудадағы қалыпты оң серпін, сондай-ақ инвесторлар тарапынан өсіп келе жатқан қызығушылық одан әрі даму үшін берік негіз қалыптастырады. Мультисекторлық жеделдеумен сипатталатын жалпы қазақстандық өсу жағдайында СҚО экономикалық қайта құрулардың тұрақтылығы мен жоспарлылығына баса назар аударатын өңір рөлін атқарады.
