World Clean Up Day халықаралық акциясы аясында Мамлют ауданы аумағында қоршаған ортаны қорғау және табиғатқа ұқыпты қарау мәдениетін қалыптастыруға бағытталған бірқатар экологиялық іс-шаралар өткізілді, деп хабарлайды Social Media.
Акция барысында келесі бастамалар жүзеге асырылды: ауданның көгалдандырылуына және экологиялық жағдайын жақсартуға елеулі үлес қосқан 250-ден астам ағаш көшеті отырғызылды. Жаппай сенбілік ұйымдастырылып, оған мемлекеттік мекеме қызметкерлері, еріктілер, қоғамдық ұйымдар өкілдері мен жергілікті тұрғындар белсене қатысты. 10 текше метрден астам қатты тұрмыстық қалдық жиналып, сыртқа шығарылды, бұл қоғамдық орындардың тазарып, халық үшін қолайлы жағдай жасалуына мүмкіндік берді.
Акция ынтымақ, белсенділік және экологиялық жауапкершілік атмосферасында өтті. 700-ден астам адам іс-шараларға қатысып, азаматтық белсенділік пен қоршаған ортаны қорғауға бағытталған бастамаларды қолдауға дайын екенін көрсетті.
